Calendar An icon of a desk calendar. Cancel An icon of a circle with a diagonal line across. Caret An icon of a block arrow pointing to the right. Email An icon of a paper envelope. Facebook An icon of the Facebook "f" mark. Google An icon of the Google "G" mark. Linked In An icon of the Linked In "in" mark. Logout An icon representing logout. Profile An icon that resembles human head and shoulders. Telephone An icon of a traditional telephone receiver. Tick An icon of a tick mark. Is Public An icon of a human eye and eyelashes. Is Not Public An icon of a human eye and eyelashes with a diagonal line through it. Pause Icon A two-lined pause icon for stopping interactions. Quote Mark A opening quote mark. Quote Mark A closing quote mark. Arrow An icon of an arrow. Folder An icon of a paper folder. Breaking An icon of an exclamation mark on a circular background. Camera An icon of a digital camera. Caret An icon of a caret arrow. Clock An icon of a clock face. Close An icon of the an X shape. Close Icon An icon used to represent where to interact to collapse or dismiss a component Comment An icon of a speech bubble. Comments An icon of a speech bubble, denoting user comments. Ellipsis An icon of 3 horizontal dots. Envelope An icon of a paper envelope. Facebook An icon of a facebook f logo. Camera An icon of a digital camera. Home An icon of a house. Instagram An icon of the Instagram logo. LinkedIn An icon of the LinkedIn logo. Magnifying Glass An icon of a magnifying glass. Search Icon A magnifying glass icon that is used to represent the function of searching. Menu An icon of 3 horizontal lines. Hamburger Menu Icon An icon used to represent a collapsed menu. Next An icon of an arrow pointing to the right. Notice An explanation mark centred inside a circle. Previous An icon of an arrow pointing to the left. Rating An icon of a star. Tag An icon of a tag. Twitter An icon of the Twitter logo. Video Camera An icon of a video camera shape. Speech Bubble Icon A icon displaying a speech bubble WhatsApp An icon of the WhatsApp logo. Information An icon of an information logo. Plus A mathematical 'plus' symbol. Duration An icon indicating Time. Success Tick An icon of a green tick. Success Tick Timeout An icon of a greyed out success tick. Loading Spinner An icon of a loading spinner.

Scotsman is glad Dundee’s Royal Arch was remade in cardboard

Members of the public helping to build a replica of the Royal Arch made out of cardboard boxes (Andrew Cawley/ Sunday Post)
Members of the public helping to build a replica of the Royal Arch made out of cardboard boxes (Andrew Cawley/ Sunday Post)

EH wiz taen beh surprehs yesterday.

Eh didnae hink eh’d be so moved beh the sight o’ the Royal Erch being made oot o’ cardboard. But it wiz affy bonny when it wiz a’ feenished. Clever, tae. Daen it fae the bottom up, like that. They Design Festival fowk arny daft. An well done tae a’ the Dundee fowk thit came oot tae build it. Yous can be affy proud o’ yersels an a’.

Members of the public helping to build a replica of the Royal Arch made out of cardboard boxes (Andrew Cawley/ Sunday Post)
Members of the public helping to build a replica of the Royal Arch made out of cardboard boxes (Andrew Cawley/ Sunday Post)

Once it wiz up, though, ah canny tell ye how it made me feel. Eh’m just a wee bit young tae remember the real Royal Erch. Eh wiz a runny-nosed wee laddie when they pulled it doon. Eh wiz on the last Fifie in 1966 afore the new bridge opened, eh can mind o’ that. But no the erch. Eh mind o’ meh mither ‘n’ faither sayin’ whit a crime it wiz to pull it doon, though.

Meh faither grew up in Gellatly Street, so he mustiv seen the erch every mornin’ o’ eez life back then. Meh mither, tae, she was fae the other side o’ the toon, ahent the Overgate, but widd’ve seen it a’ the time an’ a’. Mah Granny Anderson telt me aboot it tae. She used tae bounce me on her knee an’ sing “Vote, vote, vote fir Neddy Scrimgeour, he’s the man tae gie ye ham an’ eggs”.

But eh didnae ken wha Neddy Scrimgeour wiz. Eh didn’t like ham an’ eggs onywiy, so eh’m no sure eh wid’ve voted for him. But If he’d been promisin’ as a’ Cremola Foam he widda got meh vote.

But, onywiy, both sets o’ meh grandparents an’ meh mither ‘n’ faither an’ a’ meh uncles an’ unties a’ agreed the Royal Erch wiz one o’ the best things in a’ the toon. They a’ sayed it was really grand in its day an’ that the coonsul should’ve found some ither way tae work oot whit tae dae wi the bridge.

Members of the public helping to build a replica of the Royal Arch made out of cardboard boxes (Andrew Cawley/ Sunday Post)
Members of the public helping to build a replica of the Royal Arch made out of cardboard boxes (Andrew Cawley/ Sunday Post)

They should never’ve taen doon the erch. Mind you, they used tae gripe aboot the loss o’ the Wellgate an’ the Overgate a’ the time an’ a’. They didnae like what wiz done tae the toon in the sixties. Nae charactur left, they aywis telt me an’ meh brithers.

Efter seein’ the erch put up in the toon again, eh hink eh ken whit they meant. Like eh wiz sayin’ eh wiz proud o’ what the festival laddies and lassies did.

Eh swear tae ye that when eh stood an’ looked up at the erch, even if it wiz jist cardboard, eh hink a’ meh unties an’ uncles an’ Pop (as we cawed meh faither’s faither) an’ meh grannies and meh ither grandfaither wir stannin’ aside me an’ they saw it too an’ widda sayed it wiz affy good. Meh mither ‘n’ faither died a few year ago an’ eh ken they wid’ve loved it.

They used tae a’ live in the toon when they wir young. Twa big femilies among lots o’ other big femilies. They used tae tell me aboot wakkin up the Hackie an’ doon’ the Blackie an a’ the stories sounded great. The toon seemed tae hae mair character in their day, the way they a’ spoke aboot it.

We Dundee fowk havny had a lot o’ architectural marvels tae be proud o’ in the last few decades. The city churches wir aywis there, of course. An’ a few o’ the buildings in the toon centre are bonny — eh aywis liked the bank on the corner o’ the Heh street an Commercial Street. The one that’s triangle-shaped, ken? Just across fae whaur DM Brown’s used tae be. That’s a bonny ane. But there’s no’ much else eh can hink o’ that make ye say, “thon’s affy bonny”. The Heh Skale maybe. Oh, and the museum aside that. That’s a good ane. But ither cities seem tae hiv loads o’ fancy buildings.

Members of the public helping to build a replica of the Royal Arch made out of cardboard boxes (Andrew Cawley/ Sunday Post)
Members of the public helping to build a replica of the Royal Arch made out of cardboard boxes (Andrew Cawley/ Sunday Post)

Dundee wizny a bad place though, eh’m no sayin that. It wiz the people thit made it good. It wiz aywiz stocked wi’ good sort of people. Hard workers, ken? Meh Granny worked cleanin’ offices till she wiz in her eighties. She showed wiz a’ whit hard work wiz. She kept her closie spick an’ span a’ her days. Eh wish thit eh’d telt her how proud eh wiz o’ her bein’ such a hard worker. Eh like tae hink that a wee bit o’ it rubbed aff on me. It seemed abody in her day wiz a demon o’ a worker. Eh, it wiz the people that made Dundee a great city. The workers, no the pan-loafy fowk. An’ no the buildings ehther.

Eh hink things are cheengin, though. Dundee feels different these days, ken? It’s like wir a’ gettin’ wir confidence back efter a lang time when we didny hiv any. Eh’ve aywis been proud tae call masel a Dundonian, eh wouldny move onywhere else. An’ eh hink that we’re goin’ tae see a lot o’ cheenges for the better in the toon. It feels good. It’s like wiv a’ taen a shak tae wirsels an decided that wir gunnae dae it a’ a bit better. An’ this is jist the stert o’ it. Dundee’ll be a braw place. This Victoria & Albert Museum thit thir pittin’ up, eh’ll bet ye a fehver that abody likes it when it’s feenisht.

Strange that eh stertit talkin’ aboot Queen Victoria’s erch, then blether a bit aboot the toon, then end up talkin’ about a museum that’s also named efter Queen Victoria.

It’s like eh’ve come roon in a circle, izzit? It’s like wiv a’ come roon in a circle. We pulled doon the auld queen’s erch and now we’re pittin up her new museum. Eh hink she kens an’ she’s lookin’ efter us a’. Eh hink Dundee is on the up an’ somehow she’s at the stert an’ feenish o’ it. Meh mither an’ faither wid like whit’s happenin’, eh really hink they wid. Eh wish they could see the toon noo, eh really dae.


READ MORE

Rolling Stones fans to rock up for cinematic exhibition at Victoria and Albert museum

Real-life Maw Broon’s Kitchen set to open in Dundee